يبقي أيه ؟

Standard

لما تشوف شعب مشهور بالتنكيت في أحزانة ومصائبه مش عارف ينكت بقاله كام يوم على آخر مصائبه … يبقي أيه ؟
لما تشوف الأمهات الى كانت رفضه تنزل ولادها المظاهرات بتنزلهم … يبقي أيه ؟
لما تشوف الشباب عينيه مخنوقه من الدمع على أخواته إلى بيتقتلوا بقالهم سنة من غير حساب ورغم ده معدش عارف يصرخ … يبقي أيه ؟
لما تشوف راجل عجوز في ميدان التحرير ماشي بيافطة وفي وجهه نهرين من الدمع ولا يتكلم … يبقي أيه ؟
لما تلاقي الهادى فينا لى كان بيجمعنا بقه أسرعنا غضباً واشتعالاً … يبقي أيه ؟
لما تلاقي الأكل ملوش طعم ، الشرب ملوش طعم … يبقي أيه ؟
لما تسأل عن صحابك تلاقيهم بيدفنوا صحابهم … يبقي أيه ؟
لما تلاقي الفقراء ازدادوا والجريمة زادت … يبقي أيه ؟
لما تبقي ماشي جمب أختك أو مراتك أو حتى أمك ووجودك مش هيفرق وقت أزمة … يبقي أيه ؟
لما تسقط راس نظام وتسيب ذيوله … يبقي أيه ؟
لما ترضي بحكم عسكر مره تانى … يبقي أيه ؟
لما كرسي يحط أخ قدام أخوه … يبقي أيه ؟
لما بلدك تصرخ تنادى وأنت قاعد للمؤامرة … يبقي أيه ؟

طب لما صوتنا يبقي واحد ضد مجلس  … يبقي أيه ؟
طب لما كتفك يبقي كتفي ظهرى ظهرك أيدي ايدك  … يبقي أيه ؟

 يبقي أيه ؟  … يبقي أيه ؟  … يبقي أيه ؟

رحماك رحماك يارحمان يارحيم
يسقط كل فاسد ، يسقط كل خائن ، يسقط حكم العسكر

………………..

هيثم غنيم

Advertisements

About haitham.ghoniem

الأسم إنسان بيحلم أن يبات يومه سعيد مش شايل في قلبه غير الحب لكل الناس ... معرفش بكره هبقى ايه ... لأنى ببساطه عايش فيها وبتأثر بأمواجها وكل يوم فيه خاطره وفكره وحاجات جديده بنتعلمها ونفسي لما ترسي مرساى أكون مضرج في دمائى شهيد شهادة ألقى بها ربي سعيد أن نهايتى كانت ذودا عن حياض هذا الدين أنا ببساطه إنسان مسلم يأمل أن يتبع دوماً كتاب الله وسنة رسوله بفهم سلف الأمة ومن تبعهم بإحسان إلى يوم الدين جيت لدنيتكم يوم 25 رمضان 1405 هجرى الموافق 13 يونيو 1985

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s