مصر أولاً

Standard

مصر أولاً

لصحابي ورفقاء الميدان ال 18 يوم … للي شمنا اول قنبلة غاز مع بعض للي صلينا العشاء في التحرير في التحرير والأسفلت لونه اسود محروق من كثر الحرق والضرب … للي كنا بنقسم باكو البسكوت مابينا لمدة يوم كامل مناكلش غير فيه علشان خايفين نطلع بره فيتقبض علينا … للي كانوا بيجروا اول ما يسمعوا دقة الطوبة على السور فيعرفوا ان فيه هجوم على الميدان فيجروا من يدافع عن أخيه أولاً

للي بات تحت الدبابة وجمب الرصيف وهو مش عارف بكره فيه ايه

للي كلموه اهل وقالوله ارجع منطقتنا بتتهاجم وقال معلش مصر أولي

للي شال زميله ودمه سايل على جبينه ومش لاقي طبيب ينقذ

للي وقف حراسة بالليل على اللجان بيترعش من البرد ونار الحطب مش مدفياه

فاكرين مين اكثر ناس كانت ساعتها بتكرهنا وبتقولنا نمشي من الميدان ؟
فاكرين الي كانوا لابسين مدنى وواقفين وسط العساكر والجنود يراقبوهم ويمنعوهم من الكلام؟
فاكرين الي كانوا بيقولولنا ان الثورة ده شغل يهود وامريكان؟
فاكرين إلى كانوا بيقولونا انتم بتضيعو البلد بتطهيركم للفساد؟
فاكرين دول كان اسمهم ايه؟

كان اسمهم ضباط مخابرات حربية.

طيب عارفين مين كان رئيسهم ساعتها؟
عبد الفتاح السيسي

ايوه هو القائد العام الآن للقوات المسلحة المعين من قبل الرئيس المرتعش محمد مرسي .

الراجل ده مع عمر سليمان وخليفته مراد موافي وخلفته الجديد حلفوا يوميها أنهم يدفعوا كل من نزل أو آمن بثورة 25 يناير الثمن

والناس ده ابتدت بينا بعد الثورة على طول لغاية ما ضعفنا وبعد كده كملوا على الأخوان … وزى ما الأخوان خافوا ساعتها انهم يتكلموا أنتم خايفين دلوقتى انكوا تتكلموا

وزى ما الأخوان ساعتها قالوا هنقدر نكسبهم قدام … أنتم برضه بتقولوا هنقدر نكسبهم قدام

عارفين ليه كسبنا وقت الثورة بشكل مؤقت … علشان مصر كانت أولاً
عارفين ليه خسرنا من بعد ال 18 يوم لغاية دلوقتى … علشان رأي كل واحد فينا وقناعاته كانت أولاً

عارفين طيب ازاى نقدر نكسبهم ثانى كلنا … أن مصر ترجع ثانى أولاً  🙂

مصر أولاً

………….

هيثم غنيم

الجمعة صباح 5 يوليو 2013

Advertisements

About haitham.ghoniem

الأسم إنسان بيحلم أن يبات يومه سعيد مش شايل في قلبه غير الحب لكل الناس ... معرفش بكره هبقى ايه ... لأنى ببساطه عايش فيها وبتأثر بأمواجها وكل يوم فيه خاطره وفكره وحاجات جديده بنتعلمها ونفسي لما ترسي مرساى أكون مضرج في دمائى شهيد شهادة ألقى بها ربي سعيد أن نهايتى كانت ذودا عن حياض هذا الدين أنا ببساطه إنسان مسلم يأمل أن يتبع دوماً كتاب الله وسنة رسوله بفهم سلف الأمة ومن تبعهم بإحسان إلى يوم الدين جيت لدنيتكم يوم 25 رمضان 1405 هجرى الموافق 13 يونيو 1985

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s